Médiathèque : Khouribga
Animateur : Anouar Habib Allah
سيـــــــرة ذاتــيـــة
سميتي هشام قري كنسكن في خريبكة حي البريك السن ديالي 29 سنة، الحالة العائلية ضعيفة ربما مأساوية ، ملي كبرت شوية، حسيت براسي خاصني نعتمد على راسي، ونجمع راسي ونعاون الدار وندير لاباس بحالي بحال الناس، ووليت كنفكر أنني خاصني نمشي للديار الأوروبية،برزطت مالين الدار حتى ضبرو ليا بزز فمليون، تلاقيت بواحد السيد كيحرك لاسبانيا بالزودياك، تفاهمت معاه كاليا مليون ونص، وانا كاع لي ضبرت فيه مليون، طلبت ورغبتو، حتى كال ليا مليون، تفاهمنا على الوقت وكاليا راه خصك تمشي معايا لطنجة، هاد شي راه في سنة 2000، مشيت معاه لطنجة كلسنا يومين في لوطيل كيوكلونا عليبغينا ويشربونا علي بغاو، وانت ديك الساعة ليكالوها خاصك ديرها دازت يومين، داونا لواحد لبلاصة بالليل، وسط واحد الغابة في طنجة، سكنونا في واحد البيت، بقينا في داك البيت 10 أيام، مرة كنشوفوا داك الحراك، مرة مكنشوفوهش، تمارة، التكرفيص، التنهصير، واحد السيد كيوقف علينا زعما، تكرفصت نيت، لدرجة عدفت راسي، ماعلينا جا الوقت لي خاصهم يديونا، كنا حنا فوق العشرين، كالينا الحراك، يالله جمعوا روسكم، حيت غادي ندخلو لبحر دابا باش نمشيو في الزودياك، مشينا دخلنا لبحر، ملي دخلنا صراحة ولات كتبان ليا حياة أخرى ، ولى كيبان لي، ميت ولا حي، حيت نقدر نمشي في رمشة عين، غير زادت الزودياك ، شوية أوهما يوقفوا علينا صحاب الحال، تمارة التكرفيص لعصا، كلسنا عندهم 48 ساعة أوهما يصيفطونا رجعنا لدار بحال ماكين والو، مالين دار كيشوفو فيا شوفة ناقصة، حيت بزز حتى ضبرو ليا في الفلوس، وفي الاخر ماكين والو.
كلست شي يامات، ومن بعد اتصلت بالحراك وكلت ليه يرد ليا فلوسي، وكاليا لفلوس منردهمش ليك، ولكن نقدر ندير معاك محاولة أخرى، علاه تنجح، كلت ليه واخا، دار معايا الميعاد، مشيت ، نفس القضية، داونا لنفس المكان لي فطنجة، الغابة، الجوع وتمارة، وهاد لمرة كان لعدد ديالنا كثر من المجموعة الأولى، كنا شي كدا وثلاثين واحد، جا الوقت كالوا لينا جمعوا روسكم، باش ندخلو، مشينا ركبنا تقريبا نفس الزودياكا ، غير دخلت شوية وهي تقلب، جاب الله أنا بعدا كنعرف نعوم شوية، خرجوني عدرعاني، زعما صراحة عدفت راسي بزاف، رجعت لدار تنهصير، الماكلة مع مالين الدارغير بزز، صراحة تعقدت ، حسيت براسي بحالا ضايع، ماعلانا، بقات فكرة الحريك
كدورعندي، ولكن مبقيتش باغي نمشي في الزودياك، أما الكونطرا فمايمكنش نمشي بيها، حيث الحالة العائلية ديالي مكتسمحش ليا نشريها ب 7 ولا 8 المليون، فكرت نمشي بطريقة لهيا شوية آمنة على الزودياك، المهم كاليا واحد السيد، راه كاين واحد كيدي لاسبانيا في الكار، تلاقيت معاه كلت ليه بشحال، كاليا 4 مليون، بقيت غيركنشوف، انا مليون وضبرت فيه غير بزز، عساك 4، المهم مشيت برزطت مالين الدار ، وأنا طلبت واحد السيد صاحبي مزيان كيمشي لبرا، سلفني 2 المليون ومالين الدار جمعو ليا الباقي، المهم تلاقيت مع الحراك وكاليا غادي تمشي في الكار، أنا كلت في خاطري ، غادي نمشي راكب كـ أيها الناس، ولكن ملي وصلت لقيت وضع آخر ، كاليا راك غادي تركب في الصندوق، الصراحة تمارة نيت واخا مشي بحال الزودياك هادشي وقع في شهر 5 /2001 المهم دوزنا 8 سوايع، حتى وصلنا لكرندا ، نزلت في كرندا أوهي دور بيا الأرض، معرفت فين نمشي، مكنعرف حتى واحد، المهم كان معايا واحد السيد جا معايا، وكان كيتسنى فشي واحد صاحبو في المحطة ديال البنزين مشيت عندو طلبت ورغبتو، يديني فين غادي بيه، ولكن ياخويا لا شفقة لا رحمة ، شاف حتى عيا أو هو يكول ليا نديك أجمي ولكن بالفلوس، كانت عندي شي بركة جبدتها عطيتها ليه، أوهو يديني معاه، المهم غير وصلنا لمورسيا، حطني أهو يكول ليا ، يالله السلام عليكم مكتعرفني مكنعرفك، بقيت بوحدي أوهادي هي تمارة لكبيرة، فين غادي نمشي وعندمن غادي نمشي الدراري صحابي ليكاينين تما معنديش النوامر دياولهم ، مشكل ديال اللغة ، لا فرنسية لا سبليونية حيث أول مرة كتمشي ميمكنش غادي تعرف اللغة المهم بقيت كندور كل مرة فين كنعس، بديت كنحس بالدقة، دازت واحد المدة تلاقيت بواحد المغربي، طلبت، كلت ليه شوف كيتسوفيني، ويا أخي لا شفقة لا رحمة، كاليا الخير لي نديرفيك هو نلاقيك معا واحد الخيفي يقدريخدمك، كلت ليه واخا، المهم مشينا عندو خدمت، ديك الساعة في الليمون، فين كنعس غير تما في الفيرما، زعما تمارة والتكرفيص نيت، المهم دازت المدة تحاكيت شوية مع الدراري، بديت كنشد اللغة ، جمعت راسي تلاقيت مع شي دراري تعاشرت معاهم، ولاد الفقيه بن صالح ، حيث كاينين تما ولاد الفقيه بن صالح ، ولاد القلعة أولاد يوسف هوما لي معمرين ديك لبلاصة، المهم كرينا واحد الميحيل ، مرة خدام مرة مخدامش، حيث صراحة الخدمة تما لاماكانش عندك لوراق، صعيبة ، المهم جمعت راسي، خدمت بديت كنجمع شوية ديال الفلوس، مرة مرة كنرسل لمالين الدار، جريت على وراقي الحمد لله حتى صيبتهم، الحالة بدات كتحسن ماشي بحال الأول، وصلات لوقيتة ديال أنني خصني نجي المغرب،
صراحة تصدمت بواقع آخر حيث مكنتش كنضن راسي غادي نعيش هادشي ليعشتوا، أوزادت كملات مع هاد الأزمة لولات، قلالت الخدمة ، دابا أنا في المغرب 3 أشهر، وقبل منها دوزت 6 أشهر بلا خدمة، ولكن أنا ضروري غدي نرجع لاسبانيا واخى مكاينش الخدمة، اللهم ترجع تما ولا هنا ، على الأقل تهرب غير من شوفان بنادم.
النصيحة لكنقدم هي أنني ماغاديش نكول أنو برا مافيها ما يدار ولا مكيناش الخدمة هنا، كلا ورزقوا، ولكن بغيت نكول أنو ليداعيا عليه أمو، يجي لهاد البلاد في هاد لوقيتة.
Médiathèque : Khouribga Animateur : Anouar Habib Allah سيـــــــرة ذاتــيـــة سميتي هشام قري كنسكن في خريبكة حي البريك السن ديالي 29 سنة، الحالة العائلية ضعيفة ربما مأساوية ، ملي كبرت شوية، حسيت براسي خاصني نعتمد على راسي، ونجمع راسي ونعاون الدار وندير لاباس بحالي بحال الناس، ووليت كنفكر أنني خاصني نمشي للديار الأوروبية، برزطت مالين الدار حتى ضبرو ليا بزز فمليون، تلاقيت بواحد السيد كيحرك لاسبانيا بالزودياك، تفاهمت معاه كاليا مليون ونص، وانا كاع لي ضبرت فيه مليون، طلبت ورغبتو، حتى كال ليا مليون، تفاهمنا على الوقت وكاليا راه خصك تمشي معايا لطنجة، هاد شي راه في سنة 2000، مشيت معاه لطنجة كلسنا يومين في لوطيل كيوكلونا عليبغينا ويشربونا علي بغاو، وانت ديك الساعة ليكالوها خاصك ديرها دازت يومين، داونا لواحد لبلاصة بالليل، وسط واحد الغابة في طنجة، سكنونا في واحد البيت، بقينا في داك البيت 10 أيام، مرة كنشوفوا داك الحراك، مرة مكنشوفوهش، تمارة، التكرفيص، التنهصير، واحد السيد كيوقف علينا زعما، تكرفصت نيت، لدرجة عدفت راسي، ماعلينا جا الوقت لي خاصهم يديونا، كنا حنا فوق العشرين، كالينا الحراك، يالله جمعوا روسكم، حيت غادي ندخلو لبحر دابا باش نمشيو في الزودياك، مشينا دخلنا لبحر، ملي دخلنا صراحة ولات كتبان ليا حياة أخرى ، ولى كيبان لي، ميت ولا حي، حيت نقدر نمشي في رمشة عين، غير زادت الزودياك ، شوية أوهما يوقفوا علينا صحاب الحال، تمارة التكرفيص لعصا، كلسنا عندهم 48 ساعة أوهما يصيفطونا رجعنا لدار بحال ماكين والو، مالين دار كيشوفو فيا شوفة ناقصة، حيت بزز حتى ضبرو ليا في الفلوس، وفي الاخر ماكين والو، كلست شي يامات، ومن بعد اتصلت بالحراك وكلت ليه يرد ليا فلوسي، وكاليا لفلوس منردهمش ليك، ولكن نقدر ندير معاك محاولة أخرى، علاه تنجح، كلت ليه واخا، دار معايا الميعاد، مشيت ، نفس القضية، داونا لنفس المكان لي فطنجة، الغابة، الجوع وتمارة، وهاد لمرة كان لعدد ديالنا كثر من المجموعة الأولى، كنا شي كدا وثلاثين واحد، جا الوقت كالوا لينا جمعوا روسكم، باش ندخلو، مشينا ركبنا تقريبا نفس الزودياكا ، غير دخلت شوية وهي تقلب، جاب الله أنا بعدا كنعرف نعوم شوية، خرجوني عدرعاني، زعما صراحة عدفت راسي بزاف، رجعت لدار تنهصير، الماكلة مع مالين الدارغير بزز، صراحة تعقدت ، حسيت براسي بحالا ضايع، ماعلانا، بقات فكرة الحريك كدورعندي، ولكن مبقيتش باغي نمشي في الزودياك، أما الكونطرا فمايمكنش نمشي بيها، حيث الحالة العائلية ديالي مكتسمحش ليا نشريها ب 7 ولا 8 المليون، فكرت نمشي بطريقة لهيا شوية آمنة على الزودياك، المهم كاليا واحد السيد، راه كاين واحد كيدي لاسبانيا في الكار، تلاقيت معاه كلت ليه بشحال، كاليا 4 مليون، بقيت غيركنشوف، انا مليون وضبرت فيه غير بزز، عساك 4، المهم مشيت برزطت مالين الدار ، وأنا طلبت واحد السيد صاحبي مزيان كيمشي لبرا، سلفني 2 المليون ومالين الدار جمعو ليا الباقي، المهم تلاقيت مع الحراك وكاليا غادي تمشي في الكار، أنا كلت في خاطري ، غادي نمشي راكب كـ أيها الناس، ولكن ملي وصلت لقيت وضع آخر ، كاليا راك غادي تركب في الصندوق، الصراحة تمارة نيت واخا مشي بحال الزودياك هادشي وقع في شهر 5 /2001 المهم دوزنا 8 سوايع، حتى وصلنا لكرندا ، نزلت في كرندا أوهي دور بيا الأرض، معرفت فين نمشي، مكنعرف حتى واحد، المهم كان معايا واحد السيد جا معايا، وكان كيتسنى فشي واحد صاحبو في المحطة ديال البنزين مشيت عندو طلبت ورغبتو، يديني فين غادي بيه، ولكن ياخويا لا شفقة لا رحمة ، شاف حتى عيا أو هو يكول ليا نديك أجمي ولكن بالفلوس، كانت عندي شي بركة جبدتها عطيتها ليه، أوهو يديني معاه، المهم غير وصلنا لمورسيا، حطني أهو يكول ليا ، يالله السلام عليكم مكتعرفني مكنعرفك، بقيت بوحدي أوهادي هي تمارة لكبيرة، فين غادي نمشي وعندمن غادي نمشي الدراري صحابي ليكاينين تما معنديش النوامر دياولهم ، مشكل ديال اللغة ، لا فرنسية لا سبليونية حيث أول مرة كتمشي ميمكنش غادي تعرف اللغة المهم بقيت كندور كل مرة فين كنعس، بديت كنحس بالدقة، دازت واحد المدة تلاقيت بواحد المغربي، طلبت، كلت ليه شوف كيتسوفيني، ويا أخي لا شفقة لا رحمة، كاليا الخير لي نديرفيك هو نلاقيك معا واحد الخيفي يقدريخدمك، كلت ليه واخا، المهم مشينا عندو خدمت، ديك الساعة في الليمون، فين كنعس غير تما في الفيرما، زعما تمارة والتكرفيص نيت، المهم دازت المدة تحاكيت شوية مع الدراري، بديت كنشد اللغة ، جمعت راسي تلاقيت مع شي دراري تعاشرت معاهم، ولاد الفقيه بن صالح ، حيث كاينين تما ولاد الفقيه بن صالح ، ولاد القلعة أولاد يوسف هوما لي معمرين ديك لبلاصة، المهم كرينا واحد الميحيل ، مرة خدام مرة مخدامش، حيث صراحة الخدمة تما لاماكانش عندك لوراق، صعيبة ، المهم جمعت راسي، خدمت بديت كنجمع شوية ديال الفلوس، مرة مرة كنرسل لمالين الدار، جريت على وراقي الحمد لله حتى صيبتهم، الحالة بدات كتحسن ماشي بحال الأول، وصلات لوقيتة ديال أنني خصني نجي المغرب، صراحة تصدمت بواقع آخر حيث مكنتش كنضن راسي غادي نعيش هادشي ليعشتوا، أوزادت كملات مع هاد الأزمة لولات، قلالت الخدمة ، دابا أنا في المغرب 3 أشهر، وقبل منها دوزت 6 أشهر بلا خدمة، ولكن أنا ضروري غدي نرجع لاسبانيا واخى مكاينش الخدمة، اللهم ترجع تما ولا هنا ، على الأقل تهرب غير من شوفان بنادم. النصيحة لكنقدم هي أنني ماغاديش نكول أنو برا مافيها ما يدار ولا مكيناش الخدمة هنا، كلا ورزقوا، ولكن بغيت نكول أنو ليداعيا عليه أمو، يجي لهاد البلاد في هاد لوقيتة.
Laisser un commentaire